کانز میں ایشوریا کے لباس پر بھارتی پروڈیوسر کی تنقید

19 مئی ، 2023

فرانس کے شہر کانز میں جاری فلم فیسٹیول میں اس برس بڑی تعداد میں بھارتی اور دنیا کے دیگر ممالک سے سلیبریٹیز شریک ہیں۔

اس حوالے سے بھارتی فلمی ڈائریکٹر، پروڈیوسر، اسکرین رائٹر اور مصنف ویوک رنجن اگنی ہوتری نے اس فلمی میلے میں ریڈ کارپٹ پر شریک خواتین سلیبریٹیز کی مدد کےلیے اسسٹنٹس کے استعمال پر ٹوئٹ کیا ہے۔

انہوں نے ایونٹ میں شریک معروف بالی ووڈ اداکارہ ایشوریا رائے کی ریڈ کارپٹ پر پہلی تصویر شیئر کی ہے۔ جس میں سلور گاؤن پہنے وہ ایک ٹرین اور ایک بڑے ہوڈ کے ساتھ نظر آرہی ہیں، جبکہ سیاہ سوٹ میں ملبوس ایک شخص ان کے پھیلے ہوئے گاؤن کو سنبھالتا نظر آرہا ہے تاکہ اچھی اور مکمل تصویر بن سکے۔

اس تصویر پر ویوک اگنی ہوتری نے لکھا کہ کیا آپ نے 'کوسٹیوم سلیوز' پر مبنی جملہ سنا ہے جو کہ زیادہ تر لڑکیاں ہوتی ہیں لیکن یہاں پر ایک سوٹ میں ملبوس مرد موجود ہے۔

آپ بھارت میں بھی انہیں تقریباً ہر خاتون سلیبریٹیز کے ساتھ دیکھ سکتے ہیں، ہم اتنے احمق کیوں بنتے جارہے ہیں کہ صرف ایک غیر آرام دہ فیشن کے لیے اتنا ظالمانہ لباس استعمال کررہے ہیں۔

ان کے اس ٹوئٹس پر جہاں کچھ لوگوں نے اسے سراہا تو بہت سے لوگوں نے ایشوریا پر تنقید پر سوال اٹھا دیے، ایک صارف نے کہا کہ آپ اتنا حسد کیوں کررہے ہیں؟ اس لیے کہ کانز فلمی میلے نے آپ کو مدعو نہیں کیا!! ایک اور نے کہا یہ ذاتی پسند ہے، آپ اس کے منصف نہیں ہیں۔

انٹرٹینمنٹ سے مزید