ملتان(سٹاف رپورٹر)جامعہ زکریا کے یوسف رضا گیلانی سکالر شپ کیلئے این ٹی ایس ٹسٹ آج دن ڈیڑھ بجےہوگا،بتایا گیا ہے کہ پاس ہونے کےلئےبعض امیدواروں نے ’’ متبادل ‘‘ تیار کرلئے سکروٹنی کے بعداین ٹی ایس میں شرکت کےلئے148امیدواروں کے ناموں کو فائنل کرلیاگیا،انتظامیہ نے ایچ ای سی کی ہدایت کے مطابق 30جون سے قبل 57 کروڑ روپے کے سکالرشپ فیکلٹی ممبران کو دینے کے لئے این ٹی ایس منعقد کرایا ہے ،جبکہ سلیکشن بورڑ اجلاس آئندہ منگل اور بدھ کوہونے کاامکان ہے جس کانوٹیفکیشن رواں ہفتے جاری ہوگا، ذرائع کا کہنا ہے کہ کچھ من پسند امیدواروں نے این ٹی ایس میں ہرحال میں مطلوبہ کامیابی حاصل کرنے کےلئے ’’ متبادل‘‘ امیدوار تیار کرلئے ہیں جو ان کی جگہ امتحان دیں گے جس پر دیگر امیدواروں کا کہنا ہے کہ بعض انتظامی افسران اپنے من پسند افراد کو نوازنے کی کوشش کر رہے ہیں ہمارا مطالبہ ہے کہ سخت انتظامات کئے جائیں۔
فرمان الہی
نماز کے اوقات
