ملتان(سٹاف رپورٹر) پاکستان پیپلزپارٹی کی شہید چئیرپرسن وسابق وزیراعظم بے نظیر بھٹو کی 63ویں سالگرہ آج منائی جائے گی اس سلسلے میں مرکزی تقریب آج جام پور ضلع راجن پور میں ہو گی تقریب میں سابق وزیراعظم سیدیوسف رضا گیلانی ،جنوبی پنجاب کی کوآرڈی نیشن کمیٹی کے ارکان محمود حیات ٹوچی خان ،شوکت محمود بسرا ،نوازش علی پیر زادہ ۔ عبدالقادر شاہین ،خواجہ رضوان عالم و دیگر رہنما شرکت کر یں گے ،بعدازاں و ہ کوٹ مٹھن جائیں گے جہاں خواجہ غلام فرید ؒ کی درگاہ پر حاضری کے بعد پیپلزپارٹی کے رہنما خواجہ کلیم الدین کوریجہ کی طرف سے اپنے اعزاز میں دیئے گئے عشائیہ میں شریک ہوں گے۔دریں اثنا سابق وزیراعظم اور پاکستان پیپلز پارٹی کی سابق چیئر پرسن شہیدمحترمہ بینظیر بھٹو صاحبہ کی 63ویں سالگرہ آج بروز ( منگل ) کو نہایت عقیدت و احترام سے بلڈ ڈو نیٹ کر کے منائی جائے گی۔بلاول بھٹو زرداری، شہید محترمہ بینظیر بھٹو کی 63ویں سالگرہ پارٹی کے دوسرے رہنمائوں کے ساتھ آزاد کشمیر کے شہر بھمبر میں کشمیریوں کے ساتھ منائیں گے۔کیک کاٹنے کی تقریب بھمبر کے نزد برنالا ہائی اسکول گرائونڈ میں ہوگی۔ علاوہ ازیں رحیم یارخان سے سٹی رپورٹر کے مطابق شہر میں آج بے نظیر بھٹو کی سالگرہ کے موقع پر تقریبات ہونگی۔
فرمان الہی
نماز کے اوقات
