بھارت میں شادی کرنیوالی سیما سے متعلق تحقیقاتی اداروں کا انکشاف

پاکستانی خاتون سیما کے بھارت جا کر شادی کرنے کے معاملے پر تحقیقاتی اداروں نے ابتدائی رپورٹ مرتب کر لی۔

رپورٹ کے مطابق سیما کے بچوں کی پیدائش کے حوالے سے ریکارڈ حاصل کر لیا گیا ہے، سیما حیدر کے پاکستان سے نیپال جانے کا معاملہ صرف بھارتی شہری سے تعلقات ہیں۔

سیما رضا دختر غلام رضا نے 15 فروری 2014ء کو جیکب آباد کی عدالت سے شادی کی اجازت لی، عدالتی اجازت کے بعد اس نے غلام حیدر جاکھرانی سے شادی کی۔

پانچویں پاس سیما حیدر انگریزی اور ہندی میں بات کرتی ہے، تحقیقات کی جائیں، بی جے پی رکن

کراچی بھارتیہ جنتا پارٹی کے رکن اسمبلی ساکشی...

عدالتی بیان میں سیما حیدر نے اپنی عمر 19 سال بتائی تھی، یکم جنوری 2018ء سے 2 جنوی 2021ء کے درمیان سیما نے 4 بچوں کو جنم دیا، اس کا والد رکشہ ڈرائیور، سرکاری ملازم بھائی اور 2 بہنیں ہیں۔

سیما نے فلائٹ ایف زیڈ 336 کے ذریعے پہلا سفر کیا، وہ رواں سال 10 مئی کو فلائٹ دبئی کے ذریعے شارجہ سے کراچی واپس آئی۔

سیما نے 18 مئی کو فلائٹ نمبر G9542 کے ذریعے بچوں کے ہمراہ سفر کیا، اس نے کراچی سے فلائٹ لی،اس سے قبل اس کے کسی فضائی سفر کا ریکارڈ نہیں مل سکا۔

رپورٹ کے مطاب نادرا میں شناختی کارڈ بنوانے کے دوران سیما کی عمر کا اندراج غلط کرایا گیا۔