فرمان الہی
نماز کے اوقات
پاکستان کا مشہور ڈرامہ سیریل ’میرے پاس تم ہو‘ بہت جلد بھارتی ٹی وی چینل پر نشر کیا جائے گا۔
بھارت میں موجود مداح اپنے پسندیدہ پاکستانی اداکاروں عائزہ خان، ہمایوں سعید اور عدنان صدیقی کو بھارتی چینل’زندگی‘ پر دیکھیں گے۔
یہ خوشخبری ’زندگی‘ چینل نے اپنے آفیشل انسٹاگرام اکاؤنٹ پر ڈرامہ سیریل ’میرے پاس تم ہو‘ کا ٹریلر شیئر کرتے ہوئے دی ہے۔
بھارتی چینل نے ڈرامے کا ٹریلر شیئر کرتے ہوئے کیپشن میں لکھا ہے کہ’میرے پاس تم ہو‘ بہت جلد انڈین ٹیلی ویژن کی اسکرینز پر آرہا ہے۔
یاد رہے کہ بھارتی چینل’زندگی‘ اس سے پہلے بھی کئی پاکستانی ڈرامے نشر کرچکا ہے، جن میں مشہور ڈرامہ سیریل’ آسمانوں پہ لکھا‘، ’ہم کہاں کے سچے تھے‘ اور ’قصہ مہر بانو کا‘ جیسے کئی ڈرامے شامل ہیں۔
