• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی ریجن کی جیلوں میں وارڈرزکی بھرتی کیلئے فزیکل فٹنس اور دوڑ کے ٹیسٹ کل سے شروع ہونگے

میرا شہر
اسلام آباد
01 اگست ، 2023
راولپنڈی (سٹاف رپورٹر)پنجاب جیل خانہ راولپنڈی ریجن کی جیلوں میں وارڈرزکی بھرتی کے لئے فزیکل فٹنس اور دوڑ کے ٹیسٹ کل سے شروع ہوں ،ڈی آئی جی جیل خانہ جات راولپنڈی ریجن عبدالرؤف رانا کے مطابق راولپنڈی ریجن کی 7جیلوں ،سینٹرل جیل راولپنڈی ،ہائی سیکورٹی بارک راولپنڈی ،ڈسٹرکٹ جیل اٹک ،ڈسٹرکٹ جیل گجرات ، ڈسٹرکٹ جیل جہلم ،ڈسٹرکٹ جیل منڈی بہاؤالدین اورسب جیل چکوال میں جیل وارڈز (سکیل 7) کی کل 269اسامیوں پر بھرتی کے لئے جسمانی پیمائش ،دوڑ میڈیکل ٹیسٹ 2سے4 اگست تک ہوں گے ان میں میل وارڈرزکی 267اور فی میل وارڈرزکی 2اسامیاں شامل ہیں ۔انہوں نے بتایاکہ جیل وارڈزکیلئے پنجاب بھرسے کل 3ہزار 407درخواستیں موصول ہوئی تھیں  ،سکروٹنی کے بعد کل 2ہزار8سو47 امیدواروں کی  درخواستیں  مطلوبہ معیار پر پوری اتریں۔ انہوں نے بتایاکہ بھرتی شیڈول کے مطابق 2 سے 4اگست تک سینٹرل جیل اڈیالہ میں امیدواروں کی جسمانی پیمائش ،دوڑ اورطبی ٹیسٹ ہوں گے ،امیدواروں سے کہاگیاہے کہ وہ جسمانی پیمائش اوردوڑکے ٹیسٹ کے لئے صبح 10بجے اصل شناختی کارڈ لے کر سنٹرل جیل راولپنڈی حاضر ہوں۔ کامیاب ہونے والے امیدواروں کاتحریری امتحان 13اگست کو سینٹرل ٹیسٹنگ سروس ایجنسی کے ذریعے ان کے امتحانی مرکزمیں لیا جائے گا،اور بعد ازاں تحریری امتحان میں کامیابی حاصل کرنے والے امیدواروں کے انٹرویوز22 اور23اگست کو اڈیالہ جیل میں ہوں گے ۔
اسلام آباد سے مزید