• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی ایئرپورٹ پر ’ون ونڈو ڈیسک‘ عدم توجہی کی وجہ سے بے فائدہ

آج کا اخبار
ملک بھر سے
20 اگست ، 2023
کراچی (افضل ندیم ڈوگر) کراچی کے جناح انٹر نیشنل ایئرپورٹ پر اوور سیز پاکستانیوں کی سہولت کیلئے بنائی گئی ون ونڈو ڈیسک عدم توجہ کا شکار ہونے کی وجہ ہے بے فائدہ ہوگئی ہے۔ بیرون ملک جانیوالے پاکستانیوں کی سہولت کیلئے وفاقی محتسب کی ہدایت پر ون ونڈو فیسیلیٹیشن ڈیسک قائم کی گئی تھی۔ اوورسیز پاکستانیوں کی سہولت کیلئے بنائی گئی ڈیسک میں وفاقی تحقیقاتی ادارے ایف آئی اے، ایئرپورٹ سیکیورٹی فورس، سول ایوی ایشن اتھارٹی اور محکمہ پروٹیکٹر کے عملے کو ڈیسک پر موجود رہنے کی ہدایت کی گئی تھی مگر ڈیسک پر سے متعلقہ تمام عملہ غائب ہے اور روزگار کے حصول کیلئے بیرون ملک جانیوالے مسافروں کو پروٹیکٹر کی معمولات اور رہنمائی کرنے والا عملہ بھی موجود نہیں ہوتا۔ جس سے یہ اعلان محض اعلان ہوکر رہ گیا ہے اور مسافروں کو مشکلات کا سامنا ہے۔
ملک بھر سے سے مزید