فرمان الہی
نماز کے اوقات
پاکستان میوزک انڈسٹری کے مایاناز گلوکار علی ظفر نے مداحوں سے کیا وعدہ پورا کر دیا۔
انہوں نے ورلڈ کپ کے سلسلے میں بنایا گیا ترانہ ’مزہ آیا‘ ریلیز کردیا۔
سماجی رابطے کی ویب سائٹ ایکس (سابق ٹوئٹر) پر پیغام جاری کرتے ہوئے گلوکار نے اپنے مداحوں کو گانے کی ریلیز سے متعلق آگاہ کیا۔
انہوں نے پوسٹ میں لکھا کہ ’کاش میرے پاس مزید وقت ہوتا لیکن کرکٹ اور اپنے مداحوں کی محبت کی خاطر ایک بار پھر بھائی حاضر ہے، پریزنٹنگ ’مزہ آیا‘، لطف اندوز ہوں‘۔
خیال رہے کہ علی ظفر نے گزشتہ روز اندرون لاہور میں اس ترانے کی ویڈیو عکس بند کی تھی۔ آئی سی سی نے بھی ٹویٹ میں علی ظفر کے جذبے کو خراج تحسین پیش کیا ہے۔
علی ظفر کا اس بارے میں کہنا ہے کہ اس گانے کا مزہ نہ آئے تو پیسے واپس۔
علی ظفر کا ورلڈ کپ کے لئے تیار کیا گیا ترانہ ریلیز کے چند لمحوں کے بعد ہی سوشل میڈیا پر وائرل ہوگیا، مداحوں نے کمنٹس میں تبصرہ کیا کہ’مزہ آگیا‘۔
