• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حمدِ باری تعالٰی

MD
میگزین ڈیسک
میگزینز
اقراء
27 اکتوبر ، 2023
حمدِ باری تعالٰی

جمال احمد جمال

ہمارے دِل کی دُعا ہے، نہ مُدّعا مقصود

نہیں ہے کوئی تمنّا بجز، خُدا مقصود

نہ ابتدا کی کوئی ہے، نہ انتہا کی خبر

ہمیں نفس بہ نفس اُس کی ہے رضا مقصود

اسی کی ذات دِلِ ناتواں میں رہتی ہے

بیانِ حمد کو ہے شوکتِ نَوا مقصود

ہر ایک شے کو وجود اُس کے حکمِ کُن سے ملا

ہے اُس کی ذات ہی اِک مرکزِ وفا مقصود

وہ کارسازِ دوعَالَم وہ رہنمائے حیات

ہے اُس کے عشق کا ہی دَردِ لا دَوا مقصود

وہ لاشریک وہ یکتا وہ قادرِ مطلق

جمالِ شرحِ حقیقت سے آشنا مقصود

اقراء سے مزید