فرمان الہی
نماز کے اوقات
مسلم لیگ ن کے قائد، سابق وزیرِ اعظم میاں نواز شریف نے شیخ قیصر محمود کی پارٹی کے لیے قربانیوں کو سراہتے ہوئے انہیں ن لیگ اوورسیز کا اثاثہ قرار دے دیا۔
لیگی رہنما اوورسیز شیخ قیصر محمود نے مسلم لیگ ن کے قائد میاں نواز شریف سے رائے ونڈ میں ملاقات کی۔
اس موقع پر میاں نواز شریف نے گفتگو کرتے ہوئے کہا کہ ن لیگ اوورسیز کا پارٹی میں اہم رول ہے، ہر برے وقت میں ن لیگ اوورسیز کے کارکنان نے پارٹی کے لیے قربانیں دی ہیں۔
انہوں نے کہا کہ شیخ قیصر محمود بھی ن لیگ اوورسیز کے ان ارکان میں شامل ہیں جنہوں نے ہر مشکل وقت میں پارٹی کے لیے فرنٹ فٹ پر جدوجہد کی ہے۔
اس موقع پر شیخ قیصر محمود نے قائد ن لیگ کی جانب سے حوصلہ افزائی کا شکریہ ادا کرتے ہوئے کہا کہ اس وقت پوری مسلم لیگ کا ایک ہی مشن ہے کہ میاں نواز شریف وزیرِ اعظم بن کر ملک کی خدمت کریں اور پاکستان کو ایشین ٹائیگر بنانے کا اپنا اور عوام کا خواب پورا کریں۔
شیخ قیصر محمود نے یہ بھی کہا کہ وہ عام کارکن کی طرح پارٹی کی خدمت کریں گے اور مستقبل میں پارٹی کی جانب سے دی جانے والی ہر ذمے داری کو پورا کرنے کی کوشش کریں گے۔
