مداح کے کینیڈا چھوڑنے کے فیصلے پر شاہ رخ کا مشورہ

بالی ووڈ اداکار شاہ رخ خان نے کینیڈا چھوڑنے سے متعلق فیصلے پر مداح کو احتیاط برتنے کا مشورہ دے دیا۔ 

ہندی فلم نگری کے کنگ خان سوشل میڈیا پلیٹ فارم ایکس (سابقہ ٹوئٹر) پر اپنے مداحوں سے سوال و جواب کا سیشن منعقد کرتے رہتے ہیں۔ 

ایسے ہی ایک سیشن کے دوران شاہ رخ خان کے کینیڈا میں مقیم بھارتی مداح نے تحریر کیا کہ فلم ڈُنکی کا گیت 'نکلے تھے کبھی ہم گھر سے' سن کر وہ بھی واپس بھارت آرہے ہیں۔ 

فلم کا نام’ڈنکی‘ کیوں رکھا؟ شاہ رخ خان کا دلچسپ جواب

بالی ووڈ کنگ شاہ رخ خان نے تجسس میں مبتلا مداحوں کو اپنی نئی فلم کا منفرد نام’ڈنکی‘ رکھنے کی وجہ بتا دی۔

اس پر شاہ رخ خان نے کہا کہ ارے یار، میں بھی مانتا ہوں کہ بھارت بہترین ملک ہے لیکن اپنے تمام فیصلے احتیاط سے لیں۔

اپنی بات جاری رکھتے ہوئے شاہ رخ خان کا کہنا تھا کہ کبھی کبھار ہمیں ملک سے باہر کام کرنا ہوتا ہے اور اپنے لیے زندگی کو آسان بنانا ہوتا ہے۔

بالی ووڈ سپر اسٹار کے اس پیغام کے بعد کئی صارفین نے انکی اس نصیحت کو سراہا۔