راولپنڈی ، اسلام آباد(سٹاف رپورٹر، خصوصی نامہ نگار) جڑواں شہروں سے37سماج دشمن پکڑے گئے۔راولپنڈی پولیس نے 4ملزموں کو گرفتار کرکے چار پستول برآمد کر لئے ۔ 5ملزموں سے ساڑھے 5کلو سے زیادہ چرس برآمد کرلی گئی۔ مختلف مقدمات میں مطلوب 2 اشتہاری مجرموں کو بھی دھر لیا گیا۔ آرگنائزڈ کرائم سیل اورویسٹریج پولیس نے کار چوری کی وارداتوں میں ملوث 2رکنی گینگ سے 2 مسروقہ کاریں برآمد کر لیں۔کیپٹل پولیس نے بھی 10 اشتہاری اور عدالتی مفروروں سمیت چوبیس سماج دشمن عناصرکو گرفتار کر لیا ۔ شالیمار پولیس نے ملزم سے مسروقہ گا ڑ ی برآمد کر لی ۔ انسداد رابر ی اورڈکیتی یو نٹ پولیس نے راہزنی اور چوری کی وارداتو ں میں ملوث ایک عورت سمیت تین ملزمان سے 2100 ڈالر ،12لا کھ روپے اور طلا ئی زیو رات مالیتی پانچ لاکھ پچاس ہزار روپے برآمدکر لئے گئے۔
فرمان الہی
نماز کے اوقات
