سپریم کورٹ میں مونس الہٰی کیخلاف ایف آئی اے کی اپیل سماعت کیلئے مقرر

سپریم کورٹ نے تحریکِ انصاف کے رہنما مونس الہٰی کے خلاف ایف آئی اے کی اپیل سماعت کے لیے مقرر کر دی۔

جسٹس سردار طارق کی سربراہی میں 3 رکنی بینچ 15 دسمبر کو سماعت کرے گا۔ جسٹس یحیٰ آفریدی اور جسٹس عائشہ بھی بینچ کا حصہ ہوں گے۔

ایف آئی اے نے مونس الہٰی پر ایف آئی آر ختم کرنے کے فیصلے کے خلاف اپیل دائر کر رکھی ہے۔

عدالتی حکم پر مونس الہٰی کو اشتہاری قرار دینے کی کارروائی

عدالتی حکم پر تحریکِ انصاف کے رہنما مونس الہٰی کو اشتہاری قرار دینے کی کارروائی شروع کر دی گئی۔

سپریم کورٹ نے ڈپٹی اٹارنی جنرل کو نوٹس جاری کردیا ہے۔

اسپیشل جج سینٹرل لاہور نے مونس الہٰی کے خلاف ایف آئی اے کا مقدمہ خارج کردیا تھا جبکہ لاہور ہائیکورٹ نے ایف آئی آر خارج کرنے کا فیصلہ برقرار رکھا تھا۔