• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نیو کراچی، پولیس اور ملزمان میں فائرنگ، راہگیر خاتون جاں بحق

آج کا اخبار
ملک بھر سے
12 دسمبر ، 2023
کراچی (اسٹاف رپورٹر)نیو کراچی میں پولیس اور ملزمان کے درمیان فائرنگ کے تبادلے میںراہگیر خاتون جاںبحق ہوگئی ،پولیس نے ایک ملزم کو زخمی حالت میںگرفتار کرکے اسلحہ برآمد کرلیا ، جبکہ منگھوپیر میںفائرنگ سے ایک شہری زخمی ہوگیا ۔تفصیلات کے مطابق بلال کالونی کے علاقے نیوکراچی اللہ والی چورنگی میڈیکل اسٹور کے قریب فائرنگ کے واقعہ میں25 سالہ خاتون حمیدہ زوجہ رفیق جاںبحق ہوگئی جس کی لاش عباسی شہید اسپتال لائی گئی ۔پولیس نے بتایاکہ اللہ والی چورنگی کے قریب پولیس اور ملزمان کے درمیان فائرنگ کا تبادلہ جاری تھا کہ اس دوران میڈیکل اسٹور مقتولہ اپنے بچوںاور شوہر کے ہمراہ دوائی خرید رہی تھی کہ فائرنگ کی زد میںآگئی۔ اس دوران پولیس نے زخمی حالت میںملزم ابوطالب کو گرفتار کرکے اسلحہ برآمد کرلیا جبکہ اسکا ساتھی فرار ہونے میںکامیاب ہوگیا، پولیس نے زخمی خاتون کو اسپتال پہنچانے کی کوشش کی تاہم وہ راستے میں دم توڑ گئی ،پولیس کے مطابق مقتولہ کو ملزمان کی گولی لگی جبکہ مقتولہ کے شوہر اور رشتے داروںکا کہنا تھا کہ مقتولہ کو پولیس کی گولی لگی ہے۔
ملک بھر سے سے مزید