بہاولپور(سٹی رپورٹر)بہاولپور ویسٹ مینجمنٹ کمپنی نے عید الفطر کے موقع پرشہر میں صفائی کی بہترین صو ر تحال کو بر قرار ر کھنے کے لئے جامع پلان مرتب کرلیاہے۔ پلان کے مطابق عید الفطرکے ایام میں شہر کی صفائی ستھرائی کو یقینی بنانے کے لئے عملے کی چھٹیاں منسو خ کر دی گئی ہیں اور تمام افسران،سینیٹری انسپکٹرز اور ویسٹ ور کر زعید کے دنوں میں بھی اپنی ڈیوٹی سر انجام دیں گے۔ان خیالات کا اظہار ایم ڈی بی ڈبلیو ایم سی محمد نعیم ا ختر نے عید پلان کو حتمی شکل دینے کے لئے بلائے جانے والے اجلاس کی صدارت کرتے ہوئے کیا۔انہوں نے کہاکہ کمپنی کے 850ویسٹ ور کرزچاند رات سے شہر کی تمام چھوٹی بڑی عید گاہوں،مساجد،امام بارگاہوں اور ان سے ملحقہ راستوں پر مامور ہوں گے او ر ان کی صفائی،دھلائی اور چونا ڈالنے کا کام سر ا نجام د یں گے۔علاوہ ازیں عید کے دنوں میں شہر کی تمام سرکاری و نجی عمارتوں،تفر یح گاہوں،پارکس اور شاہراوں پر بھی ویسٹ ور کر ز کی خصو صی ڈیو ٹیا ں لگائی جا ئیں گی۔ انہوں نے بتایا کہ شہر سے کوڑا کرکٹ کی بروقت منتقلی کے لیے کمپنی کی 50 سے زائد گاڑیاں فیلڈ میں کام کریں گی۔انہوں نے بتایا کہ کمپنی ہیلپ لائن 1139 چوبیس گھنٹے فعال رہے گی اورعید کے دنوں میں شہریوں کی جانب سے موصول ہونے والی شکایات کے بروقت ازالہ کے لیے ایمرجنسی ریسپانس ٹیم بھی تشکیل دے دی گئی ہے۔
فرمان الہی
نماز کے اوقات
