فرمان الہی
نماز کے اوقات
ایران نے جاپانی ٹینکر پر ڈرون حملے کا امریکی الزام مسترد کرتے ہوئے اسے بےکار قرار دیا ہے۔
ترجمان ایرانی وزارت خارجہ نصیر کعنانی کا کہنا ہے کہ ایسےالزامات لوگوں کی توجہ ہٹانے کی کوشش ہیں۔
نصیر کعنانی نے کہا کہ الزام غزہ میں صیہونی حکومت کے جرائم کی امریکی حمایت پر پردہ ڈالنے کے لیے ہے۔
خبر ایجنسی کے مطابق امریکا نے جاپانی ٹینکر پر حملے کا الزام ایران پر عائد کیا تھا۔
واضح رہے کہ ہفتے کو بھارتی ساحل کے قریب سمندر میں جاپانی ٹینکر پر ڈرون حملہ کیا گیا تھا۔
حملے کے بعد جہاز پیر کو ممبئی ساحل کے قریب پہنچا جہاں بھارتی نیوی ٹیم نے اس کا معائنہ کیا، ٹیم نے ابتدائی رپورٹ میں ٹینکر پر ڈرون حملے کی نشاندہی کی۔
خبر ایجنسی کا کہنا ہے کہ یہ حملہ ایسے وقت کیا گیا ہے جب حوثی بحیرہ احمر میں ڈرون اور میزائل حملے کر رہے ہیں۔
حوثی حملوں کے باعث زیادہ تر کارگو جہاز اب افریقہ کے جنوبی سرے سے گزر رہے ہیں۔
