• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی پریس کلب الیکشن، ڈیموکریٹس کا مسلسل 14 واں کلین سوئپ

آج کا اخبار
ملک بھر سے
31 دسمبر ، 2023
کراچی (اسٹاف رپورٹر ) کراچی پریس کلب کے سالانہ انتخابات برائے 2024میں دی ڈیموکریٹس پینل نے 14واں بار کلین سوئپ مکمل کرلیا ، سعید سربازی 845ووٹ لیکر منتخب ہوئے جبکہ ان کے مدمقابل آفتاب حسین نے110 ووٹ حاصل کئے۔ سیکریٹری کے عہدے پرشعیب احمد نے 843ووٹ لیکر منتخب ہوئے جبکہ ان کے مدمقابل عارف خان نے96ووٹ حاصل کئے۔نائب صدر کے عہدے پر عبدالرشید میمن نے 758ووٹ، خازن کے عہدے پر احتشام سعید قریشی نے806 ووٹ اور جوائنٹ سیکریٹری کے عہدے پرمحمد منصف نے726ووٹ لیکرکامیابی حاصل کی۔ گورننگ باڈی کی 7 نشستوں پر شمس کیریو،موناصدیقی،شازیہ حسن نواب قریشی شعیب احمد رانا جاوید اور نور محمد کلہوڑو کامیاب قرار پائے۔ انتخابات دی ڈیموکریٹس آزاد پینل اور دی جرنلسٹ پینل کے امیدواروں کے درمیان مقابلہ تھا۔ ہفتہ کی صبح9 بجے سے شام 5 بجے تک ہونے والی پولنگ میں انتہائی جوش وخروش دیکھنے میں آیا۔پریس کلب کے ممبران کی ایک بڑی تعداد نے انتخابی عمل میں حصہ لیا۔ الیکشن کمیٹی کے سربراہ ڈاکٹر توصیف احمدخان نے کراچی پریس کلب میں نتائج کا اعلان کیا۔ پریس کلب کے انتخابات میں 1503رجسٹرڈ ممبران ووٹرز میں سے 979ممبران نے اپنے حق رائے دہی استعمال کیا۔ پریس کلب کے انتخابات کے موقع پر گہما گہمی دیکھنے میں آئی اور تینوں پینلز کے امیدواروں اور ان کے حامیوں نے دن بھر میں بھرپور انداز میں اپنے اپنے امیدواروں کے حق میں ووٹ حاصل کرنے کے لئے مہم جاری رکھی۔
ملک بھر سے سے مزید