ابھی کسی پارٹی کی جیت ہار کا تعین نہیں کیا جاسکتا، مریم اورنگزیب

پاکستان مسلم لیگ ن کی ترجمان مریم اورنگزیب نے کہا ہے کہ ابھی تمام حلقوں کے دس سے پندرہ فیصد نتائج آئے ہیں، اس سے کسی پارٹی کی جیت ہار کا تعین نہیں کیا جاسکتا۔

اپنے بیان میں انہوں نے کہا کہ مسلم لیگ ن مضبوط ہے، انشااللّٰہ کامیابی حاصل کرے گی۔

انہوں نے مزید کہا کہ مسلم لیگ ن کا اپنا الیکشن سیل ہے جس میں تمام رزلٹ مرتب کیا جارہا ہے، طریقہ کار کے مطابق فارم 45 حاصل کرکے رزلٹ فائنل کیا جارہا ہے۔

150 سیٹوں کی اکثریت ہے، وفاق، پنجاب اور کے پی میں حکومت بنائیں گے، بیرسٹر گوہر

ابھی کسی جماعت کے ساتھ اتحاد کا فیصلہ نہیں ہوا، ہم انٹرا پارٹی الیکشن کرائیں گے، بیرسٹر گوہر علی خان کا دعویٰ

لیگی رہنما کا کہنا تھا کہ موبائل فون سروس اور انٹرنیٹ سروس کی بندش سے رابطہ نہیں ہورہا، مسلم لیگ ن میدان سے بھاگنے والی جماعت نہیں، ڈٹ کر مقابلہ کر رہی ہے۔

 مریم اورنگزیب کا یہ بھی کہنا تھا کہ این اے 119 اور پی پی 159 میں مریم نواز جیت رہی ہیں۔

Pakistan election 2024 | Election 2024 Constituencies | Election 2024 candidates |