حکومت سازی، پی ٹی آئی نے حکمتِ عملی طے کرلی

پاکستان تحریک انصاف نے وفاق میں حکومت سازی کے لیے ارکان اسمبلی سے رابطوں کی ذمے داری بیرسٹر عمیر نیازی کے سپرد کر دی۔

عمیر خان نیازی میانوالی کے حلقہ این اے 90 سے رکن قومی اسمبلی منتخب ہوئے ہیں۔ 

پی ٹی آئی 60 سیٹوں پر نتائج چیلنج کرے گی، رؤف حسن

رؤف حسن نے سوال اٹھایا کہ دیکھنا ہوگا اتنی زیادہ سیٹوں پر فیصلہ آنے تک کیا حکومت سازی کا عمل روکا جاسکے گا یا نہیں۔

خیبر پختونخوا میں نومنتخب ارکان سے رابطے کی ذمے داری علی امین گنڈاپور جبکہ پنجاب میں نو منتخب ارکان سے رابطہ میاں اسلم اقبال کریں گے۔

اسلام آباد میں تحریک انصاف کی کور کمیٹی کے اجلاس میں فیصلہ، کور کمیٹی نے کہا کہ عام انتخابات سے متعلق عالمی سطح پر تشویش پر دفترِخارجہ کا ردِعمل مضحکہ خیز ہے۔