کوہاٹ کے مختلف علاقوں میں سرچ آپریشن کے دوران 25 سے زائد مشتبہ افراد کو گرفتار کرلیا گیا ہے۔کارروائی میں اسلحہ بھی برآمد کیا گیا ۔
ڈی پی او کوہاٹ صہیب اشرف کے مطابق پولیس اور پاک فوج کی بھاری نفری نے کوہاٹ کے نواحی علاقے بلی ٹنگ کی حدود میں واقع مختلف علاقوں میں سرچ آپریشن کیا جس کے دوران 25 سے زائد مشتبہ افراد کو گرفتار کرلیا ۔کارروائی میں اسلحہ بھی برآمد کرلیا گیا ہے ۔
برآمد ہونے والے اسلحہ میں بارہ پستول ، 3کلاشنکوف، دس بندوقیں اور سیکڑوں مختلف بور کے کارتوس شامل ہیں۔سرچ آپریشن کی کارروائی کے دوران مشکوک گھروں کی تلاشی بھی لی گئی۔
سرچ آپریشن کی کارروائی میں بم ڈسپوزل اسکواڈ،خواتین پولیس اور حساس ادارے کے اہلکاروں نے بھی حصہ لیا۔
فرمان الہی
نماز کے اوقات
