حیدرآباد: ملزم نے قانون کی طالبہ کو قتل کرکے خودکشی کرلی

حیدرآباد میں ایک شخص نے فائرنگ کر کے قانون کی طالبہ کو قتل کر کے خودکشی کرلی۔ فائرنگ سے لڑکی کا بھائی شدید زخمی ہوا، جسے سول اسپتال منتقل کردیا گیا۔

ایس ایس پی حیدرآباد امجد شیخ کے مطابق قاسم آباد میں موٹر سائیکل پر سوار بہن بھائی پر ایک شخص نے فائرنگ کرکے خودکشی کرلی۔

اس حوالے سے سی سی ٹی وی فوٹیج بھی سامنے آئی ہے، جس کے مطابق کار سوار نے موٹر سائیکل کو روکا اور گاڑی سے اتر کر موٹرسائیکل سوار بہن بھائی پر فائرنگ کردی۔

حیدر آباد میں طالبہ نے اسکول میں خودکشی کیوں کی؟ تحقیقاتی ٹیم قائم

حیدرآباد کے نجی اسکول میں طالبہ کی موت کے واقعے پر پولیس کی تفتیش جاری ہے۔

ایس ایس پی کے مطابق واقعہ میں زخمی بھائی بہن میں سے بہن موقع پر جاں بحق ہوگئی۔ دونوں بہن بھائی لاء کالج میں تھرڈ اور فورتھ ایئر کے اسٹوڈنٹس تھے جن پر کار سوار ارشاد کھوکھر نامی شخص نے فائرنگ کرکے خود کو سر میں گولی مار کر خود کشی کرلی۔

لڑکی کی شناخت یسریٰ بتول اور بھائی کی آکاش کے نام سے ہوئی ہے۔

ابتدائی اطلاع کے مطابق فائرنگ کرنے والا ملزم پہلے بھی مقتولہ سے بات کرنے کی کوشش اور تنگ کرتا تھا اور کچھ روز قبل ملزم کی مقتولہ سے تلخ کلامی بھی ہوئی تھی، تاہم آج ملزم ارشاد نے فائرنگ کرکے خودکشی کرلی۔

ملزم نے بھی وکیلوں کا ڈریس پہنا ہوا تھا تاہم وہ وکیل تھا یا نہیں اس کی تصدیق یا تردید نہیں ہو سکی جبکہ واقعہ کی مزید تحقیقات کی جا رہی ہے