سافٹ بال کھلاڑی بیرون ملک ٹریننگ کریں گے

کومبیکس اسپورٹس کے سی ای او عمر سعید نے کہا ہے کہ سافٹ بال کا کھیل ملک میں نوجوانوں کا پسندیدہ اسپورٹس بنتا جارہا ہے ہمارا ادارہ پاکستان میں اس کھیل کے انفراسٹرکچر کو بہتر بنانے اور کھلاڑیوں کی فلاح وبہبود کیلئے اپنا بھرپورکردار ادا کرے گا اور ٹیکنیکل پارٹنر کی حیثیت سے ہر سال سافٹ بال فیڈریشن آف پاکستان کے نامزد کردہ دو ایتھلیٹس (ایک مرد اور ایک خاتون) کو بیرون ملک ٹریننگ کیلئے اسپانسر کرے گا۔ ان خیالات کا اظہار انہوں نے سافٹ بال فیڈریشن آف پاکستان کے صدر آصف عظیم کی قیادت میں وفد سے ملاقات کے موقع پر کیا۔