بلے کا نشان واپس مل گیا تو سنی اتحاد کونسل کو پی ٹی آئی میں ضم کیا جاسکتا ہے، اسد قیصر

پاکستان تحریک انصاف (پی ٹی آئی) کے  رہنما اسد قیصر کا کہنا ہے کہ اگر الیکشن کمیشن نے پی ٹی آئی کے انٹراپارٹی انتخابات کو تسلیم کرلیا اور بلے کا نشان بھی واپس مل گیا تو سنی اتحاد کونسل کو پی ٹی آئی میں ضم کیا جا سکتا ہے۔

اسد قیصر نے کہا کہ دونوں جماعتیں ضم ہو کر پی ٹی آئی بن سکتی ہیں۔

پی ٹی آئی کے دوست معاملات گھر میں ہی حل کریں تو بہتر ہے، حامد رضا

صاحبزادہ حامد رضا نے کہا کہ انتخابی نشان سے لے کر مخصوص نشستوں تک میرے پاس بتانے کو بہت کچھ ہے۔

اسی حوالے سے  سابق سیکریٹری الیکشن کمیشن کنور دلشاد نے جیو نیوز سے گفتگو کرتے ہوئے کہا کہ الیکشن کمیشن کی منظوری کے بغیر تحریک انصاف سنی اتحاد کونسل میں ضم نہیں ہو سکتی۔

کنور دلشاد نے کہا کہ اگر تحریک انصاف ضم ہو بھی جائے تو سنی اتحاد کونسل کے ارکان کی پی ٹی آئی میں شمولیت میں قانونی اور آئینی رکاوٹیں حائل ہیں۔