فرمان الہی
نماز کے اوقات
بھارت میں آج مسلمان عیدالفطر مذہبی جوش و جذبے اور مذہبی عقیدت کے ساتھ منا رہے ہیں۔
اس موقع پر بھارت بھر کی مساجد اور کھلے میدانوں میں بڑے بڑے دعائیہ اجتماعات کا اہتمام کیا گیا۔
بھارتی میڈیا کے مطابق عیدالفطر کی نماز کا بڑا اجتماع نئی دہلی کی جامع مسجد میں ہوا۔
رپورٹ میں بتایا گیا ہے کہ بھارتی ریاست تامل ناڈو میں لوگ تروچیراپلی میں سید مرتضیٰ اسکول کے میدان اور کوئمبٹور کے اسلامیہ میٹرک ہائیر سیکنڈری اسکول میں عیدالفطر کی نماز کی ادائیگی کے لیے جمع ہوئے۔
ممبئی میں مسلمانوں نے ماہم مسجد اور بھارتی ریاست اتر پردیش میں شاہ جمال علی گڑھ عید گاہ میں عید کی نماز ادا کی۔
حیدرآباد دکن میں مشہور چار مینار سے متصل مکہ مسجد میں لوگوں کی ایک بڑی تعداد نے عید کی نماز ادا کی۔
علاوہ ازیں مقبوضہ جموں و کشمیر اور لداخ سمیت بھارت کی ریاست تمل ناڈو اور کیرالہ میں کچھ مسلمانوں نے گزشتہ روز عید الفطر منائی۔
دوسری جانب بنگلا دیش میں بھی آج عید الفطر منائی جا رہی ہے۔
بنگلا دیشی میڈیا کی رپورٹ کے مطابق، بنگلا دیش میں عید کی نماز کا بڑا اجتماع دارالحکومت ڈھاکا میں منعقد ہوا۔
