فرمان الہی
نماز کے اوقات
بہاولنگر میں اختیارات کے غلط استعمال اور فرائض میں غفلت پر ایس ایچ او سمیت 3 پولیس اہلکاروں کے خلاف مقدمہ درج کر لیا گیا۔
تھانے پر حملے اور پولیس اہلکاروں پر تشدد کی تحقیقات کے لیے جوائنٹ انوسٹی گیشن ٹیم بنا دی گئی ہے۔
تھانہ مدرسہ میں درج ایف آئی آر کے مطابق ایس ایچ او رضوان عباس اور پولیس اہلکاروں کے خلاف مقدمہ درج کیا گیا ہے۔
پولیس نے دعویٰ کیا تھا کہ دو روز قبل پولیس پارٹی نے مطلوب ملزم کی گرفتاری کے لیے ایک گھر میں چھاپہ مارا تھا، جس کے دوران اہلِ خانہ سمیت متعدد افراد نے پولیس اہلکاروں کو یرغمال بنا کر تشدد کا نشانہ بنایا تھا، پولیس نے خواتین سمیت 23 افراد کے خلاف مقدمہ بھی درج کیا تھا۔
دوسری جانب سوشل میڈیا پر چلنے والی ویڈیوز کے مطابق گزشتہ روز کچھ لوگوں نے تھانے میں ایس ایچ او سمیت 4 پولیس اہلکاروں کو تشدد کا نشانہ بنایا۔
آئی جی پنجاب ڈاکٹر عثمان انور کا کہنا ہے کہ زخمی پولیس اہلکار ڈسٹرکٹ اسپتال میں زیرِ علاج ہیں کسی متاثرہ اہل کار کی جانب سے کوئی مقدمہ درج نہیں کرایا گیا۔
انہوں نے کہا کہ معاملہ حل ہو چکا ہے، واقعے کے تحقیقات کے لیے جوائنٹ انوسٹی گیشن ٹیم بنا دی گئی ہے۔
