میڈیا کی تنقید پر نہیں، پرفارمنس پر دھیان ہوتا ہے, مچل اسٹارک

انڈین پریمیئر لیگ (آئی پی ایل) کے مہنگے ترین کھلاڑی مچل اسٹارک نے کہا ہے کہ میڈیا کی تنقید پر نہیں، میرا پرفارمنس پر دھیان ہوتا ہے۔

ایک بیان میں مچل اسٹارک نے کہا ہے کہ کچھ نہیں پڑھتا اس لیے مجھے کوئی چیز پریشان نہیں کرتی، دو سال میں زیادہ ٹی ٹوئنٹی کرکٹ نہیں کھیلا، ہو سکتا ہے سست آغاز کی یہی وجہ ہو۔

انہوں نے کہا کہ میں ردھم میں واپس آ رہا ہوں، اب اچھی بولنگ ہو رہی ہے، 34 برس کا ہو چکا ہوں اپنے ورک لوڈ سے مطمئن ہوں۔

آسٹریلوی فاسٹ بولر مچل اسٹارک کا کہنا ہے کہ جو ٹیسٹ کرکٹ زیادہ کھیلتے ہیں ان کے لیے ٹی ٹوئنٹی آسان ہے۔

بھاری معاوضہ لینے والے مچل اسٹارک کولکتہ نائٹ رائیڈرز کو مہنگے پڑگئے

مچل اسٹارک نے بھارت میں ہونے والے ورلڈ کپ میں بہترین کارکردگی دکھائی، تین وکٹیں حاصل کرکے آسٹریلیا کی فتح میں نمایاں کردار ادا کیا۔

واضح رہے کہ آئی پی ایل کے ابتدائی میچز میں معمولی پرفارمنس پر مچل اسٹارک کو تنقید کا نشانہ بنایا جا رہا تھا۔

مچل اسٹارک نے گزشتہ روز کولکتہ نائٹ رائیڈرز کی جانب سے کھیلتے ہوئے لکھنؤ سپر جائنٹس کے خلاف 3 وکٹیں حاصل کی تھیں۔

انڈین پریمیئر لیگ (آئی پی ایل) میں مچل اسٹارک کا 24.75 کروڑ بھارتی روپے میں معاہدہ ہوا تھا۔