جیت ہار کھیل کا حصہ ہے، ہمیں بہتر منصوبہ بندی کرنی ہوگی، ندا ڈار

پاکستان ویمن کرکٹ ٹیم کی کپتان ندا ڈار نے کہا ہے کہ جیت ہار کھیل کا حصہ ہے ہمیں بہتر منصوبہ بندی کرنی ہوگی۔

کراچی میں ویسٹ انڈیز ویمن کے خلاف میچ کے بعد پریس کانفرنس کرتے ہوئے ندا ڈار کا کہنا تھا کہ ہماری آج میچ میں بولنگ اور فلیڈنگ اچھی نہیں رہی، ہم نے آخری دس اوورز میں زیادہ رنز دیے۔

پہلا ون ڈے: ویسٹ انڈیز ویمن نے پاکستان ویمن کو 113 رنز سے ہرادیا

ویسٹ انڈیز ویمن ٹیم نے پاکستان ویمن کے خلاف پہلے ون ڈے میچ میں ٹاس جیت کر بیٹنگ کا فیصلہ کیا ہے۔

انہوں نے کہا کہ اگر ہم ویسٹ انڈیز کو 220 تک محدود کرتے تو نتیجہ مختلف ہوتا۔

کپتان قومی ویمن ٹیم کا کہنا تھا کہ تمام کھلاڑیوں کو اپنی اپنی ذمہ داری سنبھالنی ہوگی، امید ہے اگلے میچوں میں ٹیم اچھا کھیل پیش کرے گی۔