• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جنگ بندی معاہدہ نہ ہونے کا مکمل ذمہ دار اسرائیل ہے، اسماعیل ہنیہ

تازہ ترین
بین الاقوامی خبریں
21 اپریل ، 2024
فائل فوٹو۔
فائل فوٹو۔

حماس کے سربراہ اسماعیل ہنیہ نے کہا ہے کہ جنگ بندی معاہدہ نہ ہونے کا مکمل ذمہ دار اسرائیل ہے۔ 

ترک میڈیا کو انٹرویو دیتے ہوئے اسماعیل ہنیہ نے کہا کہ اسرائیل صرف یرغمالیوں کو رہا کروانا چاہتا ہے تاکہ غزہ میں جنگ جاری رکھ سکے۔ 

حماس چیف نے کہا کہ اسرائیلی فوج کو غزہ سے مکمل انخلا کرنا ہوگا۔

حماس رہنما اسماعیل ہنیہ کی ترک صدر اردوان سے ملاقات

ترک میڈیا کا کہنا ہے کہ دونوں رہنماؤں کی ملاقات استنبول صدارتی دفتر کے بند کمرے میں ہوئی۔

سربراہ حماس کا کہنا تھا کہ خطے میں حالیہ کشیدہ صورتحال کی ذمہ داری اسرائیل پر عائد ہوتی ہے۔ 

اسماعیل ہنیہ نے کہا کہ اسرائیل کا شام میں ایرانی قونصلیٹ پر حملہ ایران کی خود مختاری پر براہ راست حملہ تھا۔ 

حماس چیف نے یہ بھی کہا کہ ترک صدر کی جانب سے حماس کو قومی تحریک آزادی ماننا ہمارے لیے باعث فخر ہے۔

بین الاقوامی خبریں سے مزید