• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میلان میں رات 12 بجےکے بعد آئس کریم پر پابندی کا فیصلہ

تازہ ترین
بین الاقوامی خبریں
23 اپریل ، 2024
میلان میں رات 12 بجےکے بعد آئس کریم پر پابندی کا فیصلہ

اٹلی کے شہر میلان میں رات 12 بجے کے بعد آئس کریم پر پابندی کا فیصلہ تنازع کی شکل اختیار کرگیا۔

غیرملکی میڈیا کے مطابق میلان میں آئس کریم فروخت کرنے والوں نے شور کی شکایات کو دور کرنے کی کوشش کے سلسلے میں رات 12 بجے کے بعد آئس کریم بیچنے پر پابندی کے منصوبے پر شدید ردعمل کا اظہار کیا ہے۔

رپورٹس کے مطابق سٹی کونسل ہفتے کے پانچ دن رات 12.30 بجے اور ہفتہ اتوار کو 1.30 بجے کے بعد ریسٹورنٹس سے کھانا اور مشروبات کی فروخت پر پابندی لگانے پر غور کر رہی ہے۔

غیرملکی میڈیا کے مطابق اگر اس پابندی سے متعلق اجازت دے دی جاتی ہے تو اس کا اطلاق مئی میں ہو جائے گا۔

مقامی حکام کے مطابق رہائشیوں کی جانب سے شور کی شکایات پر ایسی تجویز سامنے آئی ہے۔

حکام کا کہنا ہے کہ آئس کریم سمیت دیگر کھانوں پر وقت کی پابندی سے سڑکوں پر لوگوں کا رش کم ہوجائے گا اور یہ شور شرابہ کم کرنے میں مددگار ہوگا۔

دوسری جانب آئس کریم کے کاروبار سے جڑے افراد نے اس تجویز کو آئس کریم کے خلاف جنگ قرار دیا ہے۔

بین الاقوامی خبریں سے مزید