-
فرمان الہی
-
نماز کے اوقات
- جمعرات 7؍ذیقعد 1445ھ 16؍مئی 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
پاکستان پیپلز پارٹی کی سینیٹر شیری رحمان نے کہا ہے کہ وقت آگیا ہے کہ پی ٹی آئی پارلیمنٹ کی طرف دیکھے۔
ایک بیان میں شیری رحمان نے پی ٹی آئی کے صرف اسٹیبلشمنٹ سے مذاکرات پر ردعمل دیا۔
انہوں نے پی ٹی آئی کے صرف اسٹیبلشمنٹ کے مذاکرات کے مطالبے کو افسوس ناک قرار دیا اور کہا کہ وقت آگیا ہے کہ تحریک انصاف پارلیمنٹ کی طرف دیکھے۔
پی پی پی سینیٹر نے مزید کہا کہ ایک طرف تحریک انصاف اسٹیبلشمنٹ کے سیاسی کردار کی شکایت کرتی ہے اور دوسری طرف سیاسی جماعتوں کی مذاکرات کی پیشکش ٹھکرا رہی ہے۔
اُن کا کہنا تھا کہ صدر زرداری نے پی ٹی آئی سمیت تمام سیاسی جماعتوں کو ڈائیلاگ اور مفاہمت کی دعوت دی ہے۔
شیری رحمان نے یہ بھی کہا کہ ادارے کہہ رہے ہم سیاست میں مداخلت نہیں کریں گے لیکن پی ٹی آئی بانی اور ترجمان اداروں سے کہہ رہے ہیں وہ سیاسی معاملات میں مداخلت کریں۔
انہوں نے کہا کہ سیاسی جماعتوں کو پارلیمنٹ اور سیاسی ڈائیلاگ کا سہارا لینا چاہیے، پوچھنا چاہتی ہوں کہ کیا تحریک انصاف پھر سے ماضی کو دہرانا چاہتی ہے؟
