فرمان الہی
نماز کے اوقات
پنجاب کے علاقے شیخوپورہ میں بارش کے باعث گھر کی چھت گرنے سے 10 سال کی بچی جاں بحق اور 7 افراد زخمی ہوگئے۔
لاہور سمیت پنجاب کے مختلف علاقوں میں رات گئے بارش ہوئی، شیخوپورہ، خوشاب، مظفرآباد میں بادل برسے جس سے موسم خوشگوار ہوگیا ہے۔
رپورٹس کے مطابق شیخوپورہ میں گرج چمک کے ساتھ بارش میں چھت گرنے کا واقعہ پیش آیا، زخمی افراد کو طبی امداد کے لیے اسپتال منتقل کردیا گیا۔
محکمہ موسمیات کے مطابق آج اسلام آباد، پنجاب، بالائی خیبر پختونخوا، گلگت بلتستان اور کشمیر میں آندھی کے ساتھ بارش کا امکان ہے۔
گزشتہ روز ملک میں سب سے زیادہ درجہ حرارت تربت میں 44 ڈگری سینٹی ریکارڈ کیا گیا۔
سکھر، ڈیرہ غازی خان41، حیدر آباد، ملتان 39، پشاور 37، لاہور، مظفر آباد 36، کراچی، اسلام آباد 35، گلگت31 اور کوئٹہ میں 29 ڈگری سینٹی ریکارڈ کیا گیا۔
