فرمان الہی
نماز کے اوقات
متحدہ عرب امارات کے صدر شیخ محمد بن زاید النہیان نے ایرانی صدر ابراہیم رئیسی اور وزیرِ خارجہ کے جاں بحق ہونے پر اظہار تعزیت کیا۔
ایک بیان میں شیخ محمد بن زاید النہیان نے کہا کہ متحدہ عرب امارات اس مشکل وقت میں ایران کے ساتھ یکجہتی میں کھڑا ہے۔
انہوں نے کہا کہ ایرانی حکومت اور عوام سے تعزیت کرتے ہیں۔
دوسری جانب ایرانی ہیلی کاپٹر حادثے پر دبئی کے حکمران شیخ محمد بن راشد نے اظہارِ افسوس کیا۔
اماراتی نائب صدر اور وزیرِ اعظم نے ایرانی حکومت اور عوام سے دلی تعزیت کی۔
اماراتی رہنما شیخ محمد بن راشد نے کہا کہ مشکل وقت میں ہمارے دل آپ کے ساتھ ہیں، خدا ان کو اپنی وسیع رحمت سے نوازے۔
واضح رہے کہ ایرانی صدر ابراہیم رئیسی ہیلی کاپٹر حادثے میں جاں بحق ہوگئے ہیں۔
ایرانی صدر ابراہیم رئیسی کے ہیلی کاپٹر کو حادثہ ایرانی صوبے مشرقی آذربائیجان میں شدید دھند کے دوران پہاڑی علاقوں سے گزرتے ہوئے پیش آيا تھا۔
ابراہیم رئیسی اپنے وفد کے ہمراہ آذربائیجان کے دورے سے واپس آرہے تھے کہ ان کے ہیلی کاپٹر کو خراب موسم کی صورتحال کے باعث حادثہ پیش آیا تھا۔
یہ حادثہ اس وقت پیش آيا جب ایرانی صدر مشرقی آذربائیجان میں ڈیم کے افتتاح کے بعد واپس تبریز شہر کی طرف جارہے تھے۔
