آئی کیوب کیو: 9 ہزار کلو میٹر سے چاند کی لی گئی تصاویر موصول

آئی کیوب کیو کی جانب سے 9 ہزار کلو میٹر کے فاصلے سے چاند کی لی گئی تصاویر موصول ہو رہی ہیں، یہ تصاویر فی الحال بہت فاصلے سے لی جا رہی ہیں۔

یہ بات ٹیم ممبر آئی کیوب کیو ڈاکٹر خرم خورشید نے خصوصی گفتگو میں کہی ہے۔

ڈاکٹر خرم خورشید کا کہنا ہے کہ آئی کیوب کیو کامیابی سے اپنا سفر چاند کے گرد جاری رکھے ہوئے ہے۔

پاکستان کا پہلا سیٹلائٹ مشن چاند پر روانہ

پاکستان کا پہلا سیٹلائٹ مشن چاند پر روانہ ہو گیا۔

انہوں نے کہا کہ ہمارا مشن ہے کہ 200 کلو میٹر کے فاصلے سے چاند کی تصاویر لی جائیں۔

ڈاکٹر خرم خورشید نے بتایا کہ چین کا سیٹلائٹ چینگ ای 6 جون کے پہلے ہفتے میں چاند کی سطح پر اترے ۔

انہوں نے بتایا کہ چینی سیٹلائٹ چاند کی مٹی اکٹھی کرے گا، پاکستان کا سیٹلائٹ مشن 3 سے 6 ماہ تک چاند کے اطراف چکر لگائے گا۔

واضح رہے کہ پاکستانی سیٹلائٹ آئی کیوب کیو 3 مئی کو چینی اسپیس لانچ سائٹ سےچین کے سیٹلائٹ چینگ ای کے ذریعے چاند کے مدار کی سمت بھیجا گیا ہے۔