• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
,

راولپنڈی کے اسپتال میں کانگو وائرس سے متاثرہ 2 مریض انتقال کرگئے

تازہ ترین
صحت
25 مئی ، 2024


بینظیر بھٹو اسپتال راولپنڈی میں کانگو وائرس سے متاثرہ 2 مریض انتقال کرگئے۔

اسپتال ذرائع کے مطابق کانگو وائرس سے متاثرہ 3 مریض رواں ماہ اٹک سے لائے گئے تھے، جن میں سے 2 انتقال کرگئے ہیں۔

کانگو وائرس کیسز: اٹک سے مویشیوں کی دیگر علاقوں کو منتقلی پر پابندی عائد

پنجاب کے ضلع اٹک کی انتظامیہ نےکانگو وائرس کے نئے کیسز رپورٹ ہونے کے بعد اٹک سے دوسرے علاقوں کو مویشیوں کی منتقلی پر پابندی عائد کردی ہے۔

ذرائع کے مطابق بینظیر بھٹو اسپتال میں لایا گیا کانگو وائرس کا تیسرا مریض تاحال زیر علاج ہے۔

جیو نیوز سے گفتگو میں ڈی ایم ایس بینظیر بھٹو اسپتال راولپنڈی ڈاکٹر جنید نے کہا ہے کہ کانگو جان لیوا وائرس ہے، بچاؤ کے امکانات صرف 10 فیصد ہیں۔

انہوں نے مزید کہا کہ کانگو وائرس جانوروں سے انسان اور انسان سے انسان میں منتقل ہوتا ہے، مسوڑوں، ناک اور فضلے میں خون آنا، تیز بخار کانگو وائرس کی علامات ہیں۔

کانگو وائرس کے نئے کیسز سامنے آنے پر محکمہ ہیلتھ پنجاب نے 9 رکنی ڈاکٹرز کی خصوصی ٹیم اٹک بھیجنے کا فیصلہ کیا ہے۔

قومی خبریں سے مزید
صحت سے مزید