فرمان الہی
نماز کے اوقات
کراچی کے علاقے گلشن اقبال میں گولی لگنے سے جان کی بازی ہارنے والی خاتون کی موت معمہ بن گئی۔
پولیس حکام کے مطابق خاتون صائمہ کو کس سمت سے اور کس کی گولی لگی تاحال واضح نہیں ہوسکا ہے۔
پولیس کے مطابق خاتون صائمہ اپنے چھوٹے بھائی کے ساتھ گاڑی میں موجود تھی، ایک گولی سر میں لگنے سے موت واقع ہوئی، لیکن گاڑی کے دونوں طرف کے شیشے ٹوٹے۔
پولیس کے مطابق ایک طرف سے داخل ہونے والی گولی دوسری طرف کے دروازے میں پھنس گئی، جائے وقوعہ سے ٹھوس شواہد بھی نہ مل سکے۔
پولیس کے مطابق گاڑی کے معائنے سے ظاہر ہوتا ہے کہ گولی اندر سے نہیں چلائی گئی۔
پولیس کے مطابق واقعے کا مقدمہ بھی تاحال درج نہیں ہوسکا ہے، جو اہل خانہ کی درخواست پر درج کیا جائے گا۔
