فرمان الہی
نماز کے اوقات
امیر جماعت اسلامی پاکستان حافظ نعیم الرحمان نے ارکان سے استصواب رائے کے بعد منعم ظفر کو امیرجماعت اسلامی کراچی مقرر کر دیا ہے۔
منعم ظفر خان جماعت اسلامی حلقہ کراچی کے 20ویں امیر ہیں۔
واضح رہے کہ حافظ نعیم الرحمان کے امیر جماعت اسلامی پاکستان منتخب ہونے کے بعد منعم ظفر کو عبوری امیر کراچی مقرر کیا گیا تھا۔
دریں اثنا امیر جماعت اسلامی کراچی منعم ظفر نے کہا ہے کہ سندھ میں امن وامان کی صورتحال خراب ہے جبکہ حکومت اور کےالیکٹرک کے شیطانی گٹھ جوڑ سے کراچی کے شہری اذیت میں مبتلا ہیں۔
ادارہ نور حق میں پریس کانفرنس کرتے ہوئے انکا کہنا تھا کہ سندھ میں امن وامان کی خراب صورتحال ہے۔ اندرون سندھ صحافیوں کو حق کی آواز بلند کرنے پر قتل کیا جا رہا ہے، کراچی میں آئے روز فائرنگ کے واقعات میں شہریوں کی جانیں جا رہی ہیں۔
منعم ظفر خان نے کہا حکومت قانون نافذ کرنے میں ناکام ہوثابت ہوئی ہے، انکا کہنا تھا کہ امتحانات میں بچے اذیت سے گزر رہے ہیں۔
انھوں نے کہا بلاول بھٹو نے کہا تھا 300 یونٹ تک بجلی مفت ہوگی، حکومت کا کےالیکٹرک کے ساتھ شیطانی گٹھ جوڑ ہے، امیر جماعت اسلامی کراچی نے کہا کہ اسرائیل بھیڑیا بنا ہوا ہے، جس کی پشت پر امریکا اور برطانیہ کے حکمران ہیں۔
