بانی پی ٹی آئی کے ٹوئٹ کی تحقیقات ہوں گی، عطا تارڑ

وزیر اطلاعات عطا تارڑ نے کہا ہے کہ پی ٹی آئی والے اپنے متنازع ٹویٹ کی ذمے داری نہیں بھی لیتے تب بھی تحقیقات کی جائیں گی۔

جیو نیوز کے پروگرام آج شاہ زیب خانزادہ کے ساتھ میں بات چیت کرتے ہوئے انہوں نے کہا کہ ٹویٹ کرنے والے سے پوچھا جائے گا کہ تمہیں ٹویٹ کرنے کو کس نے کہا۔

بانی پی ٹی آئی کے اکاؤنٹ پر کس نے ویڈیو ڈالی؟ پی ٹی آئی مشکل میں آگئی

چیئرمین پی ٹی آئی بیرسٹر گوہر اور علی محمد خان نے کہا کہ بانی پی ٹی آئی کو تو اس بارے میں کچھ نہیں پتا۔

عطا تارڑ کا کہنا تھا کہ یہ واضح ہے کہ تمام تر پیغامات جیل سے آتے ہیں۔

وزیر اطلاعات عطا تارڑ نے مزید کہا کہ اس بات کی کوئی گنجائش نظر نہیں آتی کہ بانی پی ٹی آئی کو مقدمات میں ریلیف ملے۔