فرمان الہی
نماز کے اوقات
رینجرز اور پولیس نے نیو کراچی انڈسٹریل ایریا سیکٹر 12 ڈی میں مشترکہ کارروائی کر کے ڈکیتی اور اسٹریٹ کرائم میں ملوث ملزم فرحان کو زخمی حالت میں گرفتار کر لیا۔
ترجمان سندھ رینجرز کا کہنا ہے کہ ملزم فرحان ایک ایزی لوڈ کی دکان پر ڈکیتی اور لوٹ مار کے لیے داخل ہوا، دکاندار کے شور مچانے پر پیٹرولنگ پر مامور رینجرز موبائل موقع پر پہنچ گئی۔
ترجمان نے کہا کہ فائرنگ کے تبادلے میں ملزم کو زخمی حالت میں گرفتار کر کے پولیس کی تحویل میں دے دیا گیا، زخمی ملزم سے اسلحہ اور مسروقہ سامان برآمد ہوا ہے۔
پولیس حکام کا کہنا ہے کہ ملزم کو طبی امداد کے لیے جناح اسپتال منتقل کیا گیا، جو دورانِ علاج ہلاک ہو گیا۔
