فرمان الہی
نماز کے اوقات
کراچی میں عالمی یومِ ماحولیات کی مناسبت سے سائیکلسٹ نے گارڈن سے قائدِ اعظم کے مزار تک سائیکل ریلی نکالی اور خداداد کالونی کے چائنہ پارک سے کچرا چن کر صفائی بھی کی۔
سائیکل ریلی میں خواتین، بچے اور بوڑھے سب ہی نے شرکت کی۔
شرکاء کا کہنا تھا کہ ہم ماحول کو صاف رکھ کر آلودگی میں کمی کر سکتے ہیں۔
شرکاء کا کہنا تھا کہ ایک دن گاڑی چھوڑ کر سائیکل کا استعمال ماحولیاتی آلودگی میں کمی کا سبب بن سکتا ہے، ہمیں چاہیے کہ درخت زیادہ سے زیادہ لگائیں اور ارد گرد کچرا نظر آئے تو اٹھا کر کوڑے دان میں پھینک دیں۔
شرکاء نے آخر میں خداداد کالونی میں چائنہ پارک کی صفائی کی اور پارک میں پھیلا ہوا کچرا اٹھا کر کوڑے دان میں ڈالا۔
