شیخوپورہ(نمائندہ جنگ ) 3سالہ بچی گلی میں کھڑے پانی میں ڈوب کر ہلاک ہو گئی ۔محلہ رفیق آباد نارنگ منڈی روڈ میں ساڑھے تین سالہ بچی مومنہ ریاض گلی میں کھڑے پانی میں ڈوب کر ہلاک ہوگئی وہ محنت کش ریاض کی بیٹی تھی ، دریں اثناء ہاؤسنگ کالونی میں کھڑے پانی میں موٹر سائیکل گرنے کے واقعات کے دوران چار افراد زخمی ہوگئے جس کے خلاف مقامی شہریو ں نے احتجاجی مظاہرہ کرتے ہوئے وزیر اعلیٰ پنجاب شہباز شریف سے مطالبہ کیا ہے کہ ہاؤسنگ کالونی اور دیگر مقاامات میں سیوریج سسٹم بچھانے میں ہونیوالی کروڑوں روپے کی خورد برد کی تحقیقات فوری طور پرقومی احتساب بیورو کے سپرد کی جائے اور پچھلے دور حکومت میں ناقص پائپ بچھانے کے ذمہ دار افراد کے خلاف مقدمات درج کئے جائیں، مظاہرین نے کہا ہے کہ اگر سیوریج سسٹم کی انکوائری نہ کروائی گئی تو وہ پنجاب اسمبلی کے باہر احتجاجی مظاہرہ کریں گے۔
فرمان الہی
نماز کے اوقات
