POS سسٹم میں فراڈ، چوتھی فروخت کا ڈیٹا ایف بی آر کو ملتا ہے

اسلام آباد(آئی این پی ) پوائنٹ آف سیلز سے منسلک ری ٹیلرز کی سیلز رئیل ٹائم ایف بی آر تک نہ پہنچنے کا انکشاف سامنے آیا۔ تفصیل کے مطابق سلیم مانڈوی والا کی زیر صدارت سینیٹ کی قائمہ کمیٹی خزانہ کا اجلاس ہوا، جس میں چیئرمین ایف بی آر امجد زبیر نے بتایا کہ پی او ایس میں فراڈ کے باعث 3 سیل کے بعد چوتھی سیل کا ڈیٹا ایف بی آر کو ملتا ہے، پی او ایس کا پرانا سسٹم ختم کرنے کے بعد نیا سسٹم متعارف کرایاجارہا ہے۔چیئرمین ایف بی آر کا کہنا تھا کہ ایف بی آر کے لائسنس شدہ کمپنیوں کا پوائنٹ آف سیلز سسٹم نصب ہوگا اور ایف بی آرمیں ڈیجیٹلائزیشن کا نظام بنانے میں ڈھائی سال لگیں گے۔ امجد زبیر نے کہا کہ نئے بجٹ میں پی او ایس کے نظام میں شفافیت لائی جارہی ہے، پی او ایس سافٹ ویئر بنانے والی کمپنیوں کوایف بی آر لائسنس دے گا۔گزشتہ پی او ایس میں کمپنیوں کیبنائے گئے سافٹ ویئرمیں ردوبدل آسان تھا، جس پر چیئرمین کمیٹی نے سوال کیا کیا گزشتہ پی او ایس میں جو فراڈ ہوا اس میں ایف بی آرکے لوگ ملوث تھے؟ تو چیئرمین نے بتایا کہ فراڈ کا بعدمیں پتہ چلا، کچھ سیلز کا ریکارڈ پی او ایس سے ہٹا دیا جاتا تھا۔