کھلاڑیوں کے ساتھ ایسے واقعات مکمل طور پر ناقابل قبول ہیں، محسن نقوی

چیئرمین پاکستان کرکٹ بورڈ (پی سی بی)  محسن نقوی نے فاسٹ بولر حارث روف کے ساتھ پیش آنے والے واقعے پر ردعمل دے دیا۔

سماجی رابطے کی ویب سائٹ پر جاری بیان میں محسن نقوی نے کہا کہ حارث روف کے ساتھ جو واقعہ ہوا، اس کی سختی سے مذمت کرتا ہوں۔

انہوں نے کہا کہ ہمارے کھلاڑیوں کے ساتھ ایسے واقعات مکمل طور پر ناقابل قبول ہیں۔

حارث رؤف اور فین کے درمیان سخت الفاظ کا تبادلہ

پاکستان کے فاسٹ بولر حارث رؤف اور فین کے درمیان فوٹو کے لیے تکرار ہو گئی۔

چیئرمین پی سی بی نے مزید کہا کہ اس واقعہ میں جو ملوث ہیں وہ فوری طور پر حارث روف سے معافی مانگیں، اگر ایسا نہ کیا گیا تو ذمہ داران کے خلاف لیگل ایکشن لیں گے۔

یاد رہے کہ فلوریڈا میں فاسٹ بولر حارث رؤف کی ایک مداح سے الجھنے کی ویڈیو وائرل ہوئی تھی، یہ تکرار تصویر بنوانے پر ہوئی۔

اس موقع پر حارث اہلیہ کے ساتھ تھے کہ مبینہ طور پر فین نے انہیں گالی دی، جس پر حارث مداح کو مارنے کے لیے دوڑے، اہلیہ اور دیگر فینز نے بیچ بچاؤ کروا دیا۔