آج یوکرین میں جو ہورہا ہے کل مشرقی ایشیا میں بھی ہوسکتا ہے، امریکی وزیر خارجہ

کراچی (نیوز ڈیسک) امریکی وزیر خارجہ انٹونی بلنکن نے کہا ہے کہ جو آج یوکرین میں ہو رہا ہے، وہ ممکنہ طور پر کل مشرقی ایشیا میں بھی ہو سکتا ہے، اجتماعی دفاع ، جارحیت، تنازعات کو روکنے اور جنگ سے بچنے کا بہترین طریقہ ہے۔ واشنگٹن میں نیٹو سربراہ کے ہمراہ مشترکہ پریس کانفرنس میں انٹونی بلنکن نے کہا کہ امریکا، نیٹو تعلقات کو مزید مضبوط اور اتحاد کو جاری رکھنے کے عزم کا اعادہ کرتا ہے۔ انہوں نے کہا کہ اجتماعی دفاع جارحیت، تنازعات کو روکنے اور جنگ سے بچنے کا بہترین طریقہ ہے، نیٹو کا مقصد ہر اتحادی کے دفاع کا عزم ہے تا کہ وہ جارحیت کا شکار نہ ہو۔انٹونی بلنکن نے مزید کہا کہ ہم یوکرین کے لیے اپنی حمایت کا مظاہرہ کر رہے ہیں، اس اتحاد میں یوکرین کی رکنیت کے لیے مضبوط پل فراہم کر رہے ہیں۔ان کا کہنا تھا کہ کوشش ہے کہ یوکرین کے پاس وہ سب کچھ ہو جو روسی جارحیت سے مقابلے کے لیے اسے درکار ہے۔