• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چین نے امریکا کی جانب سے آبدوزوں کی جاسوسی کی کوشش ناکام بنادی

تازہ ترین
بین الاقوامی خبریں
26 جون ، 2024
تصویر سوشل میڈیا
تصویر سوشل میڈیا

آبدوزوں کی جاسوسی کرنے والے آلات چین کے نزدیک سمندر میں گرانے کی امریکی کوشش چین نے ناکام بنا دی۔

جنوبی چین کے سمندر پر پرواز کرتے امریکی فوجی طیارے سے گرائے گئے سب میرین ڈیٹیکٹرز کی چینی راڈارز نے نشاندہی کر دی۔ 

چائنا میڈیا گروپ کے ایک ادارے یویوآن تانتیان نے اس حوالے سے 40 سیکنڈز کی ایک ویڈیو شیئر کی۔

امریکی نیوی کے ایک طیارے سے بار بار ایک نامعلوم الیکٹرونک آئٹم بحیرہ جنوبی چین میں گرایا گیا۔ چینی کوسٹ گارڈ نے ان میں سے ایک آئٹم کو سمندر سے نکالا تو پتہ چلا کہ یہ سب میرین ڈیٹیکٹرز ہیں۔ 

سمندری ماہرین کے مطابق انھیں چینی آبدوزوں کے سگنل کا پتہ لگانے کے لیے استعمال کیا جاسکتا ہے جبکہ اسے سمندر میں موجود آبدوز کی جانب سے کاؤنٹر سگنل کا پتہ چلانے کے لیے استعمال کیا جاتا ہے۔

تاہم چینی فوج کے غوطہ خوروں نے ڈیٹیکٹرز سمندر سے نکال کر امریکہ کی جاسوسی کی کوشش ناکام بنا دی۔

بین الاقوامی خبریں سے مزید