• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بابر اعظم بنگلادیش کیخلاف ٹیسٹ سیریز کھیلیں گے یا نہیں؟

سہیل عمران
تازہ ترین
کھیلوں کی خبریں
28 جون ، 2024
فائل فوٹو
فائل فوٹو

وائٹ بال  فارمیٹ میں پاکستان کرکٹ ٹیم کے کپتان بابر اعظم آئندہ ہفتے سے نیٹ پریکٹس کریں گے۔

ان دنوں بابر اعظم کی نیشنل کرکٹ اکیڈمی میں فزیکل ٹریننگ جاری ہے جہاں وہ انفرادی طور پر پہلے مرحلے میں فٹنس پر فوکس کر رہے ہیں۔

سخت گرمی میں بابر اعظم 2 گھنٹے نیشنل کرکٹ اکیڈمی میں گزارتے ہیں جبکہ پیر سے وہ نیٹس پر بیٹنگ پریکٹس کا آغاز کریں گے۔

ذرائع کے مطابق بابر اعظم بنگلادیش کے خلاف ٹیسٹ سیریز کے لیے دستیاب ہوں گے جس کے لیے وہ خود کو فٹ رکھ رہے ہیں۔

یاد رہے کہ بابر اعظم نے بنگلادیش کے خلاف سیریز سے قبل گلوبل ٹی ٹونٹی کینیڈا میں حصہ لینا ہے۔

واضح رہے کہ ٹی ٹوئنٹی ورلڈ کپ میں خراب کارکردگی کے باعث بابر اعظم سمیت پاکستان ٹیم پر تنقید کی جارہی ہے۔

کھیلوں کی خبریں سے مزید