لاہور(کرائم رپورٹر سے) انسپکٹر جنرل پولیس پنجاب ڈاکٹر عثمان انور کی قیادت میں پنجاب پولیس اپنے ملازمین کے بچوں کی معیاری تعلیم اور تعمیری تفریح کیلئے مصروف عمل ہے ، اسی سلسلے میں سنٹرل پولیس آفس کی درسگاہ میں پولیس ملازمین کے بچوں کیلئے اینیمیٹڈ کارٹون فلم کی سکریننگ کا اہتمام کیا گیا، کارٹون فلم ” دا سٹولن پرنسس“ سے بچوں کی بڑی تعداد نے لطف اٹھایا۔ آئی جی نے بچوں سے ملاقات کی ، انکی تعلیمی و غیر نصابی سرگرمیوں بارے استفسار کیا اور بھرپور شفقت کا اظہار کیا، اس موقع پر ملازمین کے بچوں نے دلچسپ انداز میں اپنے ٹیلنٹ و تخلیقی صلاحیتوں کا مظاہرہ کیا، بچوں نے سنٹرل پولیس آفس کے مختلف فلورز کی سیر، کھانے پینے کی اشیا سے تواضع بھی کی گئی ، آئی جی نے کہا کہ پنجاب پولیس ایک فیملی ہے ، فلم سکریننگ کا مقصد بچوں کو تفریح اور تعلیم کے مواقع فراہم کرنا ہے۔