پاکستان شاہینز وائٹ بال اسکواڈ کے 7 کھلاڑی اور ہیڈ کوچ آسٹریلیا روانہ

پاکستان شاہینز وائٹ بال کے کپتان محمد حارث اور دیگر چھ کھلاڑی آج رات لاہور سے براستہ دبئی ڈارون روانہ ہوئے۔

کھلاڑیوں میں عبدالفصیح، عرفات منہاس، جہانداد خان، عثمان خان، عارف یعقوب، محمد عمران جونیئر اور کپتان محمد حارث شامل ہیں۔

پاکستان شاہینز وائٹ بال ہیڈ کوچ عبدالرحمٰن بھی کھلاڑیوں کے ہمراہ ہیں۔

پاکستان شاہینز ڈارون میں 4 اگست سے 18 اگست کے درمیان، دو ون ڈے میچوں کے علاوہ ٹاپ اینڈ ٹی ٹوئنٹی سیریز بھی کھیلے گی۔