• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فچ اپ گریڈ کا مطلب پاکستان ڈیفالٹ کے خطرے میں نہیں، خاقان نجیب

آج کا اخبار
اہم خبریں
30 جولائی ، 2024
اسلام آباد (خالد مصطفیٰ) معروف ماہر اقتصادیات ڈاکٹر خاقان نجیب نے کہا ہے کہ فچ کی جانب سے اپ گریڈ کا مطلب ہے کہ پاکستان ڈیفالٹ کے خطرے میں نہیں ہے، ڈاکٹر اشفاق خان کا کہنا ہے کہ ڈسکاؤنٹ ریٹ میں 19.5 فیصد کی کمی ناکافی ہے۔ انہوں نے دلیل دی کہ سود کی شرح کو طویل مدت تک بلند رکھنے کے لیے معیشت کو بہت زیادہ نقصان پہنچا ہے۔ انہوں نے اسٹیٹ بینک پر زور دیا کہ وہ دسمبر 2024 تک شرح سود کو 10 فیصد تک کم کرے۔ ثاقب شیرانی کا کہنا ہے کہ ڈسکاؤنٹ ریٹ میں کمی سے قرض لینے کی لاگت کو کم کرنے میں مدد ملے گی جس کے نتیجے میں قرضوں کی ادائیگی میں کمی آئے گی۔ انہوں نے کہا کہ آنے والے وقت میں معاشی استحکام کو مستحکم کرنا ہے جو کہ صحیح راستہ ہے۔ ڈاکٹر خاقان نجیب کا کہنا ہے کہ ڈسکاؤنٹ ریٹ میں کمی احسن اقدام ہے لیکن مہنگائی کے مطابق اسے مزید کم کرنے کی گنجائش باقی ہے۔ پاکستان کے معروف بزنس مین طارق شفیع کہتے ہیں کہ پاکستان کی درجہ بندی کو سی سی سی پلس میں اپ گریڈ کرنا ایک مثبت پیشرفت ہے اور یہ غیر ملکی دوست ممالک اور مالیاتی اداروں (آئی ایف آئیز) کو مثبتیت کا اشارہ دے گا کہ پاکستان صحیح راستے پر گامزن ہے اور اپنے معاشی اشاریوں کو بہتر بنانے کے لیے اقدامات کر رہا ہے۔ تاجر سے سیاستدان بننے والے مرزا اختیار بیگ نے کہا کہ ڈسکاؤنٹ ریٹ کو سنگل ڈیجٹ یعنی 8-9 فیصد تک لایا جائے۔
اہم خبریں سے مزید