بنگلادیش: تازہ جھڑپوں میں 50 افراد ہلاک، ڈھاکا میں کرفیو نافذ، انٹرنیٹ معطل

بنگلادیش میں ایک بار پھر ہنگامے پھوٹ پڑے ہیں، تازہ جھڑپوں میں ہلاک افراد کی تعداد 50 ہوگئی جبکہ جھڑپوں میں متعدد افراد زخمی بھی ہوگئے، شدید جھڑپوں کے بعد دارالحکومت ڈھاکا میں ایک بار پھر کرفیو نافذ اور انٹرنیٹ سروس معطل کر دی گئی۔

بنگلادیش میں حسینہ واجد حکومت کے خلاف مظاہرے جاری ہیں، مظاہرین اور پولیس کے درمیان جھڑپوں میں ہلاکتوں کی تعداد 50 ہوگئی، حکومت نے ملک بھر میں غیر معینہ مدت کیلئے کرفیو کا اعلان کردیا، انٹرنیٹ و موبائل سروس بھی بند کردی گئی، پیر سے بدھ تک تعطیل کا اعلان کردیا، عدالتیں بھی غیر معینہ مدت کے لیے بند رہیں گی۔

تازہ جھڑپیں کوٹا سسٹم مخالف مظاہرین اور حکمران جماعت کے کارکنوں کے درمیان ہوئی ہیں۔

بنگلہ دیش میں جماعت اسلامی اور اس کی طلبا تنظیم پر پابندی لگادی گئی

خبر ایجنسی کے مطابق جماعت اسلامی اور اس کے طلبا ونگ کو حالیہ طلبا احتجاج میں تشدد کا ذمہ دار قرار دیا گیا

خبر ایجنسی کے مطابق عوامی لیگ اور اس کی طلبہ تنظیم کے کارکنوں نے پولیس سے مل کر کوٹا مخالفین مظاہرین پر حملے بھی کیے ہیں، پولیس نے مظاہرین پر شیلنگ اور لاٹھی چارج کیا، اسٹن گرنیڈز بھی چلائے۔

 مظاہرین نے آج سے ملک گیراحتجاج اور سول نافرمانی تحریک شروع کرنے کا اعلان کیا ہے، بنگلہ دیش کی اہم شاہراہیں بند ہیں اور مظاہرین حسینہ واجد سے مستعفی ہونے کا مطالبہ کر رہے ہیں۔

طلبا نے گزشتہ ماہ کے کریک ڈاؤن میں متاثرہ افراد کوانصاف و مراعات دینے کا بھی مطالبہ ہے،  بنگلہ دیش میں گزشتہ ماہ کوٹا سسٹم کے خلاف پُرتشدد احتجاج میں 200 سےزیادہ مظاہرین جاں بحق ہوئے تھے۔