ہم منتظر ہیں حارث رؤف اس سال بھی بی بی ایل کا حصہ ہوں، جنرل مینجر بگ بیش لیگ الیسٹر ڈوبسن

12 اگست ، 2024

جنرل مینجر بگ بیش لیگ الیسٹر ڈوبسن نے کہا ہے کہ ہم منتظر ہیں کہ حارث رؤف اس سال بھی بی بی ایل کا حصہ ہوں۔

آن لائن پریس کانفرنس میں الیسٹر ڈوبسن نے کہا کہ ساؤتھ ایشیاء کے کھلاڑی بگ بیش لیگ کے کامیاب کھلاڑی ہیں، فاسٹ بولر حارث رؤف سے بڑھ کر کسی اور کی مثال نہیں دی جا سکتی، انہوں نے بگ بیش لیگ میں میلبرن اسٹارز سے کھیل کر خود کو منوایا۔

الیسٹر ڈوبسن کا کہنا ہے کہ بگ بیش لیگ کے کئی کلب میں ساؤتھ ایشیاء کے کھلاڑی آتے رہتے ہیں، ساؤتھ ایشین کھلاڑیوں کی مہارت ایسی ہے کہ وہ مقامی فینز کو متوجہ کر لیتے ہیں۔

انہوں نے کہا کہ اُمید ہے آئندہ سیزن میں بھی بڑی تعداد میں ساؤتھ ایشین کھلاڑی آئیں گے، بگ بیش لیگ کے ڈرافٹ 2 ہفتوں میں ہیں، اچھی تعداد میں نامزدگیاں ہوں گی۔

ان کا مزید کہنا ہے کہ بگ بیش لیگ کے کلب اپنی ٹیموں کو مضبوط کرنے کی پلاننگ کر رہے ہیں۔

کھیلوں کی خبریں سے مزید